14.04.20 Morning Tamil Lanka Murli Om Shanti BapDada Madhuban
சாராம்சம்:
இனிய குழந்தைகளே, அழியக்கூடிய சரீரங்கள் மீது அன்பு கொள்ளாதீர்கள். சரீரமற்ற ஒரேயொருவர் மீது மாத்திரமே அன்பு கொண்டிருங்கள். எவரது சரீரத்தைப் பார்க்கும் போதும், அதனைப் பார்க்காதீர்கள்.கேள்வி:
உங்கள் புத்தியைச் சுத்தமாக்குவதற்கு என்ன முயற்சி தேவை? சுத்தமான புத்தியின் அடையாளங்கள் என்ன?பதில்:
ஆத்ம உணர்வுடையவர்கள் ஆகுவதனால் மாத்திரமே உங்கள் புத்தி சுத்தமாகுகின்றது. அத்தகைய ஆத்ம உணர்வுடைய குழந்தைகள், தம்மை ஆத்மாக்கள் எனக் கருதுவதுடன், ஒரேயொரு தந்தையின் மீது மாத்திரமே அன்பு கொண்டிருக்கின்றார்கள். அவர்கள் தந்தை சொல்வதை மாத்திரமே கேட்கிறார்கள். எவ்வாறாயினும், மடமையான புத்தியுள்ளவர்கள் தமது சரீரத்தின் மீது அன்பு கொண்டிருக்கிறார்கள். அவர்கள் தொடர்ந்தும் தமது சரீரங்களை அலங்கரிக்கிறார்கள்.ஓம் சாந்தி.
“ஓம் சாந்தி“ எனக் கூறியவர் யார்? ஏனைய சற்சங்கங்களில், பின்பற்றுபவர்களே அதனைச் செவிமடுப்பார்கள். ஒரு மகாத்மா அல்லது ஒரு குரு அதனைக் கூறினார் என அவர்கள் கூறுவார்கள், நீங்கள் அதனை பரமாத்மா கூறினார் என்றும், ஆத்மாக்கள் செவிமடுத்தார்கள் என்றும் கூறுவீர்கள். இது புதியதாகும், அப்படித்தானே? நீங்கள் ஆத்ம உணர்வுடையவர்கள் ஆக வேண்டும். உங்களில் சிலர் இங்கே சரீர உணர்வில் அமர்ந்திருக்கிறீர்கள். குழந்தைகளாகிய நீங்கள் இங்கே ஆத்ம உணர்வில் அமர்ந்திருக்க வேண்டும். ஆத்மாவான நான் இந்தச் சரீரத்தில் பிரசன்னமாகியிருக்கின்றேன். சிவபாபா எங்களுக்கு விளங்கப்படுத்துகின்றார். உங்கள் புத்தி இதனை மிகத்தெளிவாகப் புரிந்துகொள்ளட்டும். ஆத்மாவான நான் பரமாத்மாவுடன் ஒரு தொடர்பை கொண்டிருக்கின்றேன். பரமாத்மா வந்து, இந்தச் சரீரத்தினூடாக எங்களுடன் பேசுகின்றார். ஆகையால், இவர் முகவர் ஆகியுள்ளார். அவரே உங்களுக்கு விளங்கப்படுத்துபவர். அவர் இவருக்கும் ஆஸ்தியைக் கொடுக்கின்றார். ஆகையால், உங்கள் புத்தி அவரிடம் செல்லட்டும். உதாரணமாக, ஒரு தந்தைக்கு ஐந்து முதல் ஏழு குழந்தைகள் இருந்தால், அவர்களுடைய புத்திகளின் யோகம் தமது தந்தையுடனேயே இருக்கும், அப்படித்தானே? அது ஏனெனில், அவரிடமிருந்து அவர்களுக்கு ஆஸ்தி கிடைப்பதாலாகும். ஓர் ஆஸ்தியானது ஒரு சகோதரனிடமிருந்து கிடைப்பதில்லை. ஓர் ஆஸ்தி எப்பொழுதும் தந்தையிடமிருந்தே பெறப்படுகின்றது. ஓர் ஆத்மாவிடமிருந்து இன்னோர் ஆத்மா ஆஸ்தியைப் பெறுவதில்லை. ஆத்மாக்கள் என்ற ரீதியில் நாங்கள் அனைவரும் சகோதரர்கள் என்பதை நீங்கள் அறிவீர்கள். ஆத்மாக்களாகிய எங்கள் அனைவரதும் தொடர்பு, பரமாத்மாவான பரமதந்தையுடன் மாத்திரமே ஆகும். அவர் கூறுகின்றார்: சதா என்னை மாத்திரமே நினைவுசெய்யுங்கள். என் மீது மாத்திரமே அன்பு கொண்டிருங்கள். படைப்பின் மீது அன்பு கொண்டிருக்காதீர்கள். ஆத்ம உணர்வுடையவர்கள் ஆகுங்கள்! என்னைத் தவிர நீங்கள் வேறு எந்தச் சரீரதாரிகளையும் நினைவுசெய்யும்போது, அது சரீர உணர்வென்றே அழைக்கப்படுகின்றது. இந்தச் சரீரதாரி உங்கள் முன்னிலையில் இருந்தாலுமே இவரை நீங்கள் பார்க்கக்கூடாது. அவரின் நினைவு மாத்திரமே உங்கள் புத்தியில் நிலைத்திருக்கட்டும். அம் மக்கள் கூறவேண்டும் என்பதற்காக, அனைவரும் சகோதரர்கள் எனக் கூறுகிறார்கள். நாங்கள் பரமாத்மா பரமதந்தையின் குழந்தைகளான, ஆத்மாக்கள் என்பதை நீங்கள் இப்பொழுது அறிந்திருக்கிறீர்கள். நீங்கள் பரமாத்மாவான தந்தையிடமிருந்து ஆஸ்தியைப் பெறுகிறீர்கள். தந்தை கூறுகின்றார்: உங்கள் அன்பு என்னிடம் மாத்திரமே இருக்க வேண்டும். நானே வந்து ஆத்மாக்களாகிய உங்களை என்னோடு நிச்சயம் செய்து கொள்கிறேன். இந்த நிச்சயதார்த்தம் ஒரு சரீரதாரியுடனானதல்ல. இங்குள்ள ஏனைய அனைத்து உறவுமுறைகளும் சரீரதாரிகளுடன் ஆகும். இந்த நேரத்தில், நீங்கள் ஆத்ம உணர்வுடையவர்கள் ஆக வேண்டும்: ஆத்மாவான நான் தந்தை கூறுவதைக் கேட்கின்றேன். ஆகையால், உங்கள் புத்தி அந்தத் தந்தையை நோக்கி இருக்கட்டும். தந்தை இவருக்கு அருகில் அமர்ந்திருந்து, எங்களுக்கு ஞானத்தைக் கொடுக்கின்றார். அவர் இந்தச் சரீரத்தைக் கடனாகப் பெற்றிருக்கின்றார். ஆத்மா வீட்டிற்குள், அதாவது, இந்தச் சரீரத்திற்குள் பிரவேசித்து, ஒரு பாகத்தை நடிக்கின்றார், இந்த ஆத்மா ஒரு பாகத்தை நடிப்பதற்காகத் தன்னை ஒரு வீட்டுக்காவலில் வைத்திருப்பதைப் போன்றதாகும். அவர் சுதந்திரமானவராயினும், அவர் ஒரு சரீரத்திற்குள் பிரவேசித்து, இந்த வீட்டிற்குள் தன்னைப் பூட்டிவைத்துக் கொண்டு தனது பாகத்தை நடிக்கின்றார். ஆத்மாவே தனது பாகத்தை நடிப்பதற்காக ஒரு சரீரத்தை நீக்கி, இன்னொன்றை எடுக்கின்றார். தற்போது, நீங்கள் எந்தளவிற்கு ஆத்ம உணர்வில் நிலைத்திருக்கிறீர்களோ, அந்தளவிற்கு உயர்ந்ததோர் அந்தஸ்தைக் கோருவீர்கள். பாபாவின் சரீரத்தின் மீது உங்களுக்குச் சற்றேனும் அன்பு இருக்கக்கூடாது. இந்தச் சரீரம் பயனற்றது. நான் உங்களுக்கு விளங்கப்படுத்துவதற்காக மாத்திரமே இந்தச் சரீரத்திற்குள் பிரவேசிக்கின்றேன். இந்த வெளிநாடு இராவணனுடைய இராச்சியமாகும். மக்கள் இராவணனின் கொடும்பாவியை எரிக்கின்றார்கள், ஆனால், அதனைப் பற்றியோ அல்லது அவர்கள் உருவாக்குகின்ற உருவங்கள் எதனையும் பற்றியோ அவர்கள் எதனையும் புரிந்துகொள்வதில்லை. அவர்களுடைய புத்தி முற்றிலும் மடமையானது. இராவண இராச்சியத்தில் அனைவரது புத்தியும் முற்றிலும் மடமையாகுகின்றது. சரீர உணர்வுள்ளது, அப்படித்தானே? புத்திகள் தரமிழந்துள்ளன. தந்தை கூறுகின்றார்: மடமையான புத்தியுடையவர்கள், தொடர்ந்தும் சரீரங்களை நினைவுசெய்து, சரீரதாரிகளின் மீதே அன்பு வைக்கின்றார்கள். சுத்தமான புத்தியுடையவர்கள், தொடர்ந்தும் தம்மை ஆத்மாக்கள் எனக் கருதுகின்ற அதேவேளை, பரமாத்மாவை நினைவுசெய்து, அவர் கூறுவதைத் தொடர்ந்தும் செவிமடுப்பார்கள். இதற்கே முயற்சி தேவையாகும். இந்தச் சரீரம் தந்தையின் இரதமாகும். இந்தச் சரீரத்தின் மீது பலரும் அன்பு கொண்டிருக்கின்றார்கள். அதேபோன்றே, ஹ{சைனின் குதிரை மிக அழகாக அலங்கரிக்கப்பட்ட போதிலும், புகழோ ஹ{சைனுக்கே ஆகும், அப்படித்தானே? அது குதிரையைப் பற்றியது அல்ல. ஹ{சைனின் ஆத்மா நிச்சயமாக ஒரு மனித சரீரத்திற்குள் பிரவேசித்திருக்கும், அப்படித்தானே? அவர்கள் இவ் விடயங்களைப் புரிந்துகொள்வதில்லை. இதுவே உருத்திரனின் அழியாத ஞான யாகம் என அழைக்கப்படுகின்றது. இதற்குள்ளேயே, சுய இராச்சியத்தைக் அடைவதற்காகக் குதிரை அர்ப்பணிக்கப்படுகின்றது. “அஷ்வா” (குதிரை) என்ற பெயரைக் கேட்டதும், அவர்கள் அதனை ஒரு குதிரையாகவே புரிந்துகொண்டார்கள். அவர்கள் ஒரு குதிரையை அர்ப்பணிக்கின்றார்கள். அக்கதைகள் அனைத்தும் பக்தி மார்க்கத்திற்கான கதைகள் ஆகும். உங்களை இப்பொழுது அழகாக ஆக்குபவர் இந்தப் பயணி ஆவார், அப்படித்தானே? நாங்கள் முன்னர் அழகாக இருந்தோம் என்பதும், இப்பொழுது நாங்கள் அவலட்சணம் ஆகிவிட்டோம் என்பதையும் நீங்கள் இப்பொழுது அறிவீர்கள். வருகின்ற ஆத்மா ஒவ்வொருவருமே முதலில் சதோபிரதானாக இருக்கிறார்கள், அதன்பின்னர் சதோ, இரஜோ, தமோ ஸ்திதிகளைக் கடந்து செல்கிறார்கள். தந்தை வந்து, அனைவரையும் அழகானவர் ஆக்குகின்றார். ஒரு சமயத்தை ஸ்தாபிப்பதற்காக வருகின்ற ஆத்மாக்கள் அனைவருமே முதலில் அழகாகவே இருக்கின்றார்கள். அதன்பின்னர், காமச்சிதையில் அமர்ந்த பின்னர் அவர்கள் அவலட்சணம் ஆகுகின்றார்கள். ஆத்மாக்கள் முதலில் அழகாக இருக்கின்றார்கள், பின்னர் அவர்கள் அவலட்சணம் ஆகுகிறார்கள். இந்த ஆத்மா முதல் இலக்கமாக வருவதால், இவரே அதி அழகானவர் ஆவார். இலக்ஷ்மி நாராயணனைப் போன்று எவருமே அந்தளவிற்கு இயற்கை அழகு நிறைந்தவர்களாக இருக்க முடியாது. இது ஞான விடயமாகும். கிறிஸ்தவர்கள் பாரத மக்களை விட வெள்ளையாக இருக்கிறார்கள், ஏனெனில் அவர்கள் குளிர்மையான சுவாத்தியத்தில் வாழ்கிறார்கள். எவ்வாறாயினும், சத்தியயுகத்தில் இயற்கையான அழகுள்ளது. அங்கே ஆத்மா, சரீரம் இரண்டுமே அழகாக இருக்கின்றன. இந்த நேரத்தில், அனைவருமே தூய்மையற்றவர்களும் அவலட்சணமானவர்களும் ஆவார்கள். தந்தை அனைவரையும் அழகானவர்கள் ஆக்குவதற்காக வருகின்றார், முதலில் அவர்கள் சதோபிரதானாகவும், தூய்மையாகவும் இருக்கிறார்கள். அதன்பின்னர் கீழ் இறங்கும்போது, அவர்கள் நாளடைவில் காமச்சிதையில் அமர்வதால், அவலட்சணம் ஆகுகின்றார்கள். தந்தை இப்பொழுது ஆத்மாக்கள் அனைவரையும் தூய்மையாக்குவதற்காக வந்துள்ளார். தந்தையை நினைவுசெய்வதனால் மாத்திரமே நீங்கள் தூய்மையாகுவீர்கள். ஆகையால், நீங்கள் ஒரேயொருவரை மாத்திரமே நினைவுசெய்ய வேண்டும். சரீரதாரிகளை நினைவு2செய்யாதீர்கள். நீங்கள் ஒரேயொரு தந்தைக்கு மாத்திரமே உரியவர்கள் என்பதையும், அவரே உங்களுக்கு அனைத்தும் என்பதை உங்கள் புத்தியில் வைத்திருங்கள். உங்கள் கண்களால் பார்க்கின்ற அனைத்தும் அழிய உள்ளன. உங்கள் கண்களும் கூட இருக்க மாட்டாது. பரமாத்மாவான பரமதந்தையே திரிநேற்றி (மூன்று கண்களுடையவர்) எனப்படுகின்றார். அவர் ஞானம் என்ற மூன்றாவது கண்ணைக் கொண்டிருக்கின்றார். அவரே அனைத்து பட்டங்களையும் பெற்றிருக்கின்றார்: திரிநேற்றி, திரிகாலதரிசி, திரிலோகிநாத். நீங்கள் இப்பொழுது மூன்று உலகங்களையும் பற்றிய ஞானத்தைக் கொண்டிருக்கின்றீர்கள். இது பின்னர் மறைந்து விடும். இந்த ஞானத்தைக் கொண்டிருப்பவரே, வந்து உங்களுக்கு அதனைக் கொடுக்கின்றார். தந்தை இங்கமர்ந்திருந்து உங்கள் 84 பிறவிகளின் ஞானத்தை உங்களுக்குக் கொடுக்கின்றார். தந்தை கூறுகின்றார்: உங்களை ஆத்மாக்கள் எனக் கருதுங்கள். உங்களைத் தூய்மையாக்குவதற்காகவே நான் வந்து, இந்தச் சரீரத்திற்குள் பிரவேசித்துள்ளேன். என்னை நினைவுசெய்வதனால் மாத்திரமே நீங்கள் தூய்மையாகுவீர்கள். நீங்கள் வேறு எவரையும் நினைவுசெய்தால், உங்களால் சதோபிரதானாக ஆக முடியாது. பாவங்கள் அழிக்கப்படாதவர்களைப் பற்றிக் கூறப்படுகின்றது: “விநாச காலத்தில் அன்பற்ற புத்தியுடையவர்கள் அழிவிற்கு இட்டுச் செல்லப்படுகிறார்கள்”. மக்கள் அதிகளவு குருட்டு நம்பிக்கையைக் கொண்டிருக்கின்றார்கள். அவர்களுக்குச் சரீரதாரிகளின் மீது பற்று உள்ளது. நீங்கள் இப்பொழுது ஆத்ம உணர்வுடையவர்கள் ஆக வேண்டும். ஒரேயொருவரின் மீது பற்றைக் கொண்டிருங்கள். நீங்கள் வேறு எவர் மீதேனும் பற்றைக் கொண்டிருந்தால், தந்தையின் மீது அன்பற்ற புத்தியைக் கொண்டிருக்கின்றீர்கள் என்பதே அதன் அர்த்தமாகும். தந்தை பல தடவைகள் கூறியுள்ளார்: உங்கள் தந்தையான என்னை மாத்திரமே நினைவுசெய்யுங்கள்! இதிலேயே முயற்சிக்கான தேவையுள்ளது. நீங்கள் அழைத்தும் இருக்கிறீர்கள்: தூய்மையற்ற எங்களை வந்து தூய்மையாக்குங்கள்! தந்தை மாத்திரமே உங்களைத் தூய்மையாக்குகிறார். தந்தை மாத்திரமே 84 பிறவிகளின் வரலாற்றையும், புவியியலையும் குழந்தைகளாகிய உங்களுக்கு விளங்கப்படுத்துகின்றார். இது இலகுவானது, அப்படித்தானே? நினைவுசெய்தலே அதிசிரமமான பாடமாகும். தந்தையோடு யோகம் செய்வதில் எவருமே திறமைசாலிகள் இல்லை. நினைவுசெய்வதில் திறமையற்ற குழந்தைகள் பண்டிதர்களைப் போன்றவர்கள். ஒருவர் ஞானத்தில் எவ்வளவு திறமைசாலியாக இருந்தாலும், அவர் நினைவில் நிலைத்திருக்காது விட்டால், ஒரு பண்டிதரே ஆவார். பாபா உங்களுக்குப் பண்டிதரை பற்றிய கதையைக் கூறியுள்ளார். பண்டிதர் கூறியதைக் கேட்டவர்களால் பரமாத்மாவின் நினைவுடன் கரைசேர முடிந்தது. பண்டிதரின் உதாரணம் உங்களுக்கும் பொருந்தும்: தந்தையை நினைவுசெய்தால் உங்களால் கரைசேர முடியும். முரளி கேட்பதில் மாத்திரம் சிறப்பாக இருந்தால், உங்களால் கரைசேர முடியாது. நினைவுசெய்யாதிருந்தால், உங்கள் பாவங்கள் அழிய மாட்டாது. இந்த உதாரணங்கள் அனைத்தும் உருவாக்கப்பட்டுள்ளன. அவற்றின் மிகச்சரியான அர்த்தங்களைத் தந்தை இங்கமர்ந்திருந்து உங்களுக்கு விளங்கப்படுத்துகின்றார். அவர்களுக்கு நம்பிக்கை இருந்தது: பரமாத்மாவை நினைவுசெய்தாலே தம்மால் கரைசேர முடியும் என்ற உண்மையை அவர்கள் இறுகப் பிடித்திருந்தார்கள். உங்களுக்கு ஞானம் இருந்தபோதிலும், யோகம் இல்லாதிருந்தால், உங்களால் உயர்ந்ததோர் அந்தஸ்தைப் பெற முடியாது. நினைவில் நிலைத்திருக்காத பலரும் இருக்கிறார்கள். நினைவுசெய்தலே பிரதானமாகும். மிக நன்றாகச் சேவை செய்கின்ற பலரும் இருக்கிறார்கள், ஆனால் அவர்களின் புத்தியின் யோகம் மிகச்சரியாக இல்லாதபோது, சிக்கிக் கொள்கிறார்கள். யோகத்தைக் கொண்டிருக்கும் ஒருவர், சரீர உணர்வில் சிக்கிக் கொள்ளாதிருப்பதுடன், தூய்மையற்ற எண்ணங்களையும் கொண்டிருக்க மாட்டார்கள். நினைவுசெய்வதில் பலவீனமாக இருப்பவர்களுக்கே புயல் வரும். பௌதீகப் புலன்கள் யோகத்தின் ஊடாக முற்றாகக் கட்டுப்படுத்தப்படுகின்றன. தந்தை உங்கள் ஒவ்வொருவருக்கும் எது சரி, எது பிழை எனப் புரிந்துகொள்ளக்கூடிய ஒரு புத்தியையும் கொடுத்துள்ளார். உங்கள் புத்தி பிறரது சரீரங்களை நோக்கிச் சென்றால், புத்திக்குத் தந்தையின் மீது அன்பு இல்லை என்பதுடன், அது அழிவை நோக்கி உங்களை இட்டுச் செல்கின்றது. ஞானம் யோகத்திலிருந்து வேறுபட்டது. யோகத்தினூடாக நீங்கள் ஆரோக்கியத்தையும், ஞானத்தினூடாக நீங்கள் செல்வத்தையும் பெறுகிறீர்கள். யோகம் செய்வதால், உங்கள் சரீரத்தின் ஆயுட்காலம் நீடிக்கின்றது. ஆத்மாக்கள் சிறிதாகவோ பெரிதாகவோ ஆகுவதில்லை. ஆத்மா தனது சரீரத்தின் ஆயுட்காலம் நீடிக்கின்றது எனக் கூறுகின்றார். இப்பொழுது ஆயுட்காலம் குறுகியதாக உள்ளது. பின்னர் அரைக்கல்பத்திற்கு, சரீரங்களின் ஆயுட்காலம் நீடிக்கின்றது. நாங்கள் தமோபிரதானிலிருந்து சதோபிரதான் ஆகுகின்றோம். ஆத்மாக்கள் தூய்மை ஆகுகின்றார்கள், அனைத்துமே ஆத்மாவைத் தூய்மை ஆக்குவதிலேயே தங்கியுள்ளது. நீங்கள் தூய்மையாகாது விட்டால், உங்களால் ஒர் அந்தஸ்தை அடைய முடியாது. மாயை அட்டவணை பேணுவதில் குழந்தைகளைச் சோம்பேறிகள் ஆக்குகிறாள். குழந்தைகளாகிய நீங்கள் நினைவு யாத்திரைக்கான அட்டவணையை வைத்திருப்பதில் மிகவும் ஆர்வம் கொண்டிருக்க வேண்டும். சோதியுங்கள்: நான் தந்தையை நினைவுசெய்கிறேனா அல்லது எனது புத்தி எனது நண்பர்கள் உறவினர்களிடம் செல்கின்றதா? நாள் முழுவதும் நான் யாருடைய நினைவில் இருந்தேன்? நான் யாரிடம் அன்பு கொண்டிருக்கின்றேன்? எவ்வளவு நேரத்தை நான் வீணடித்தேன்? உங்களை பற்றிய அட்டவணையைப் பேணுங்கள். எவ்வாறாயினும், எவருக்குமே நாளாந்த அட்டவணையைப் பேணுவதற்கான சக்தி கிடையாது. அரிதாக உங்களில் சிலரே அதனை வைத்திருக்கிறீர்கள். மாயை நீங்கள் அட்டவணையை முழுமையாகப் பேணுவதற்கு உங்களை அனுமதிப்பதில்லை. அவள் உங்களை முற்றாகச் சோம்பேறிகள் ஆக்கி, உஷாராக இருப்பதிலிருந்து உங்களை அழித்து விடுகின்றாள். தந்தை கூறுகின்றார்: சதா என்னை மாத்திரமே நினைவுசெய்யுங்கள். நான் காதலர்களாகிய உங்கள் அனைவரதும் அன்பிற்கினியவர். ஆகையால், காதலர்களாகிய நீங்கள் அனைவரும் என்னை மாத்திரமே நினைவுசெய்ய வேண்டும், அப்படித்தானே? அன்பிற்கினியவரான தந்தை கூறுகின்றார்: அரைக்கல்பமாக நீங்கள் என்னை நினைவுசெய்கிறீர்கள். இப்பொழுது என்னை நினைவுசெய்தால், உங்கள் பாவங்கள் அழியும் என நான் கூறுகின்றேன். உங்களுக்கு அதிகளவு சந்தோஷத்தைக் கொடுக்கின்ற அத்தகைய தந்தையை நீங்கள் அதிகளவு நினைவுசெய்ய வேண்டும்! ஏனைய அனைவரும் துன்பத்தை விளைவிக்கிறார்கள். அவர்கள் எதற்கும் பயனற்றவர்கள் ஆகுகிறார்கள். இறுதியில், பரமாத்மாவான தந்தை மாத்திரமே பயனுடையவராக இருப்பார். எல்லைக்குட்பட்ட, எல்லையற்ற, இறுதி நேரங்கள் உள்ளன. தந்தை கூறுகின்றார்: என்னைத் தொடர்ந்தும் மிக நன்றாக நினைவுசெய்வதன் மூலம் உங்களுக்கு அகால மரணம் நிகழ மாட்டாது. நான் உங்களை அமரத்துவமானவர் ஆக்குகின்றேன். எவ்வாறாயினும், முதன் முதலில், உங்கள் புத்தியில் தந்தையின் மீது அன்பு நிறைந்திருக்க வேண்டும். உங்களுக்கு வேறு எவரது சரீரத்தின் மீதும் அன்பு இருக்குமாயின், நீங்கள் வீழ்ந்து தோல்வி அடைவீர்கள். நீங்கள் சந்திர வம்சத்தில் ஒருவர் ஆகுவீர்கள். சத்தியயுக சூரிய வம்சமே சுவர்க்கம் ஆகும். திரேதாயுகம் சுவர்க்கம் எனப்படுவதில்லை. அதேபோன்றே, துவாபர, கலியுகங்களும் உள்ளன. கலியுகம் அதி தமோபிரதானான நரகம் என அழைக்கப்படுகின்றது. துவாபரயுகம் அந்தளவிற்குத் தமோபிரதான் அல்ல. தமோபிரதானில் இருந்து சதோபிரதானாக ஆகுவதற்கு, நீங்கள் நினைவுசெய்ய வேண்டும். உங்களுக்கு ஒரு குறிப்பிட்ட மனிதரின் மீது அன்பு இருக்கும்போது, அவரது உதவியில்லாமல், உங்களுக்கு நன்மை இருக்க முடியாது என நீங்கள் நினைத்தால், அந்த நிலையில் நீங்கள் சரீரத்தை நீக்கினால், என்ன நடக்கும் என உங்களாலேயே புரிந்துகொள்ள முடியும். விநாச காலத்தில் தமது புத்தியில் அன்பு இல்லாதவர்களுக்கு அனைத்தும் அழிந்து விடும். அவர்கள் தூசி பெறுமதியான அந்தஸ்தையே பெறுவார்கள்! இக்காலத்தில், நவநாகரீகமாக இருப்பதாலும் பிரச்சினைகள் ஏற்படுகின்றன. மக்கள் பிறரைக் கவருவதற்காகத் தமது சரீரத்தை நேர்த்தியாக (டிப்டொப்பாக) வைத்திருக்கிறார்கள். தந்தை இப்பொழுது கூறுகின்றார்: குழந்தைகளே, எவரதும் பெயரிலும் வடிவத்திலும் சிக்கிக் கொள்ளாதீர்கள். இலக்ஷ்மி நாராயணனின் ஆடைகள் எவ்வளவு இராஜரீகமாக உள்ளதென பாருங்கள். அது சிவாலயம் ஆகும், இது விலைமாதர் இல்லம் என அழைக்கப்படுகின்றது. பக்தர்கள் விக்கிரகங்களின் முன்னால் சென்று கூறுகிறார்கள்: நாங்கள் இந்த விலைமாதர் இல்லத்து வாசிகள் ஆவோம். இக்காலத்தில், நவநாகரீகமும் ஒரு பிரச்சினையாக உள்ளது, அனைவரது கவனமும் நவநாகரீகமானவர்களை நோக்கியுள்ளது. அதன்பின்னர் அவர்கள் கடத்தப்படுகிறார்கள். சத்தியயுகத்தில் அனைவரும் சட்டத்திற்கு ஏற்ப நடந்து கொள்வதுடன், செயல்களையும் செய்கின்றார்கள். அங்கே இயற்கையான அழகு உள்ளது. குருட்டு நம்பிக்கை என்ற கேள்விக்கே இடமில்லை. இங்கே, ஒருவரையொருவர் பார்ப்பதனால் மக்களின் இதயங்கள் ஈர்க்கப்படுகின்றன. அத்துடன் அவர்கள் வேறொரு மதத்தைச் சேர்ந்தவர்களையும் திருமணம் செய்கின்றார்கள். இப்பொழுது உங்களுக்கு இறை புத்தி உள்ளது. தந்தையைத் தவிர வேறு எவராலுமே உங்களைக் கற்புத்தியிலிருந்து தெய்வீகப் புத்தி உடையவராக மாற்ற முடியாது. அது இராவணனின் சமுதாயமாகும். நீங்கள் இப்பொழுது இராம சமுதாயாத்திற்கு உரியவர்கள். பாண்டவர்களும் கௌரவர்களும் ஒரே சமுதாயத்தையே சேர்ந்தவர்கள். ஆனால் யாதவர்கள் ஐரோப்பியர்கள் ஆவார்கள். யாதவர்களே ஐரோப்பியர்கள் என்பதைக் கீதை மூலமாக எவராலுமே புரிந்துகொள்ள முடியாது. யாதவ சமுதாயமும் இங்குள்ளது என அவர்கள் கூறுகிறார்கள். தந்தை இங்கமர்ந்திருந்து விளங்கப்படுத்துகின்றார்: தமது சொந்த விநாசத்திற்காக அந்த அணுகுண்டுகள் போன்றவற்றைத் தயாரிக்கின்ற யாதவர்களே ஐரோப்பியர்கள் ஆவார்கள். பாண்டவர்கள் வெற்றியீட்டுகிறார்கள். அவர்கள் சுவர்க்கத்தின் அதிபதிகள் ஆகுகிறார்கள். பரமாத்மா மாத்திரமே வந்து சுவர்க்கத்தை ஸ்தாபிக்கின்றார். பாண்டவர்கள் உருகிப் போனார்கள் என சமயநூல்களில் கூறப்படுகின்றது. அதன்பின்னர் என்ன நடந்தது? அவர்களுக்குப் புரிந்துணர்வு இல்லை. அவர்கள் கற்புத்தியுடையவர்கள். எவருமே நாடகத்தின் இரகசியத்தைச் சற்றேனும் புரிந்துகொண்டிருப்பதில்லை. குழந்தைகள் பாபாவைச் சந்திக்க வரும்போது, பாபா கூறுகிறார்: நீங்கள் நகைகள் போன்றவற்றை அணியலாம். குழந்தைகள் கூறுகிறார்கள்: பாபா, இங்கே நகைகள் அணிவது சரியாகப்படவில்லை. தூய்மையற்ற ஆத்மா வாழுகின்ற தூய்மையற்ற சரீரத்தில் நகைகள் அணிவது பார்ப்பதற்கு எவ்வாறு சரியாக இருக்க முடியும்? அங்கே, நீங்கள் நகைகள் போன்றவற்றினால் அலங்கரிக்கப்பட்டிருப்பீர்கள். அங்கே எல்லையற்ற செல்வம் இருக்கும். அனைவருக்கும் சந்தோஷம் அன்றி வேறு எதுவுமே இருக்க மாட்டாது. அவரே இராஜா என்றும், தாம் பிரஜைகளில் ஒருவர் என்றும் அவர்கள் அறிந்திருந்தபோதிலும், துன்பத்திற்கு இடமே இருக்க மாட்டாது. இங்கே, மக்கள் உணவு போன்றவற்றைப் பெற்றுக் கொள்ள முடியாதபோது, துன்பத்தை அனுபவம் செய்கிறார்கள். அங்கே, நீங்கள் அனைத்தையும் பெறுகிறீர்கள். அங்கே “துன்பம்” என்ற வார்த்தை எவரது வாயிலிருந்தும் வெளிப்பட மாட்டாது. சுவர்க்கம் என்பதே அதன் பெயராகும். ஐரோப்பியர்கள் அதனை வைகுந்தம் (பரடைஸ்) என அழைக்கிறார்கள். இறைவர், இறைவிகள் அங்கே வாழ்கிறார்கள் என அவர்கள் நம்புகிறார்கள். ஆகையாலேயே அவர்கள் அவர்களின் விக்கிரகங்களை அதிகளவு கொள்வனவு செய்கிறார்கள். இருந்தபோதிலும், அந்தச் சுவர்க்கம் எங்கே சென்றது? எவருக்குமே இது தெரியாது. இந்தச் சக்கரம் எவ்வாறு சுழல்கிறது என்பதை நீங்கள் இப்பொழுது அறிந்திருக்கிறீர்கள். உலகம் பழையதிலிருந்து புதியதாகவும், புதியதிலிருந்து பழையதாகவும் ஆகுகின்றது. ஆத்ம உணர்வடைவதற்கு அதிகளவு முயற்சி தேவையாகும். ஆத்ம உணர்வுடையவர்கள் ஆகும்போது, நீங்கள் இந்த எண்ணற்ற நோய்களிலிருந்து விடுதலை அடைவீர்கள். தந்தையை நினைவுசெய்வதனால் நீங்கள் உயர்ந்ததோர் அந்தஸ்தைப் பெறுவீர்கள். அச்சா.
இனிமையிலும் இனிமையான, அன்புக்குரிய, எப்போதோ தொலைந்து இப்போது கண்டுபிடிக்கப்பட்டிருக்கும் குழந்தைகளுக்கு உங்கள் தந்தை தாயாக இருக்கும் பாப்தாதாவின் அன்பும் நினைவுகளும் காலை வந்தனங்களும். ஆன்மீகத் தந்தை ஆன்மீகக் குழந்தைகளுக்கு நமஸ்தே சொல்கிறார்.தாரணைக்கான சாராம்சம்:
1. எந்தவொரு சரீரதாரியையும் உங்கள் ஆதாரம் ஆக்காதீர்கள். எவரது சரீரத்தின் மீதும் அன்பு கொள்ளாதீர்கள். ஒரேயொரு தந்தையின் மீது மாத்திரமே இதயத்தின் அன்பு இருக்க வேண்டும். எவரதும் பெயரிலும் வடிவத்திலும் சிக்கிக் கொள்ளாதீர்கள்.2. உங்கள் நினைவு அட்டவணையைப் பேணுவதில் ஆர்வம் கொண்டிருங்கள். இதனையிட்டுச் சோம்பல் கொள்ளாதீர்கள். உங்கள் அட்டவணையைச் சோதித்துப் பாருங்கள்: யாரை நோக்கி எனது புத்தி ஈர்க்கப்படுகின்றது, நான் எவ்வளவு நேரத்தை வீணாக்குகிறேன்? எனக்குச் சந்தோஷத்தைக் கொடுக்கின்ற தந்தையை நான் எவ்வளவு நேரம் நினைவுசெய்கின்றேன்?
ஆசீர்வாதம்:
சகல சக்திகளின் கையிருப்பையும் முழுமையாக நிறைத்துக் கொண்டிருந்து, உலகச் சக்கரவர்த்தி என்ற அந்தஸ்தைப் பெறுவீர்களாக.உலகச் சக்கரவர்த்தி என்ற அந்தஸ்தை அடைகின்ற ஆத்மாக்கள் தமக்காக மட்டும் முயற்சி செய்வதில்லை. உங்கள் வாழ்வில் உங்களுக்கு வருகின்ற தடைகளும் சோதனைகளும் மிகவும் பொதுவானவை, ஆனால் உலகச் சக்கரவர்த்திகள் ஆகவுள்ள ஆத்மாக்களிடம் இப்பொழுதிலிருந்தே சகல சக்திகளின் கையிருப்பும் முழுமையாக நிறைந்திருக்கும். அவர்களின் ஒவ்வொரு விநாடியும், ஒவ்வோர் எண்ணமும் பிறருக்கானவையாகவே இருக்கும். அவர்களின் சரீரங்கள், மனங்கள், செல்வம், நேரம் மற்றும் சுவாசம் போன்றவை உலக நன்மைக்காக, தகுதியான முறையிலேயே பயன்படுத்தப்படும்.
சுலோகம்:
ஒரேயொரு பலவீனமுமே பல சிறப்பியல்புகளை அழித்து விடும். ஆகையால், சகல பலவீனங்களையும் அழித்து விடுங்கள்.